109 alumnos e alumnas de 3º e 4º da ESO, 1º de Bacharelato e Ciclos Medios do Concello de Vimianzo participarán o vindeiro mércores, 25 de outubro, nunha actividade da campaña ‘Time to Move’. Terá lugar no Auditorio da Casa da Cultura entre as 11:00 e as 12:30 horas.
A iniciativa ten por obxectivo promover o valor do voluntariado e a mobilidade en defensa de valores europeos. A actividade, impulsada por Ingalicia a través de Europe Direct da Deputación da Coruña, está organizada por expertos/as que proporcionarán información e orientación sobre oportunidades internacionais.
Esta campaña comprende un conxunto de eventos en liña e presenciais que se celebran por toda Europa durante o mes de outubro.