Xa son máis de 120 os palestinos falecidos, 31 deles nenos, desde que comezaron os bombardeos israelís contra a Franxa de Gaza. Ataques que o Tsahal asegura que teñen obxectivos militares de Hamás e da Yihad Islámica, pero que tamén segaron a vida a decenas de civís e deixaron preto dun milleiro de feridos. Algunhas familias palestinas, quedaron decimadas. Ao lado israelí hai sete falecidos, a maioría foron alcanzados por algúns dos máis de 2.000 foguetes que milicias palestinas lanzaron desde a franxa desde o pasado luns, segundo o Tsahal. A choiva de mísiles que caeu o xoves e o venres sobre Gaza empuxou a miles de familias palestinas a buscar refuxio en centros escolares xestionados pola Axencia de Nacións Unidas para os Refuxiados. A situación tamén é explosiva en Cisxordania, onde polo menos nove palestinos morreron en enfrontamentos co Exército israelí.
38