Máis de 150 feridos leves ao chocar dous trens en Barcelona


Uns 155 pasaxeiros resultaron feridos de diversa consideración despois de que un tren chocase con outro por detrás na estación de Montcada i Reixac na provincia de Barcelona, segundo informou Renfe. Protección Civil elevou o número de lesionados comunicado nun primeiro momento. O balance provisional é de 150 feridos leves e 5 menos graves. Emerxencias indica que 14 lesionados foron trasladados a diversos centros hospitalarios. O portavoz do servizo de Emerxencias indicou que se trata de contusións leves por caídas, xa que ían de pé e saíron despedidos polo impacto, tamén se rexistran traumatismos na cabeza.