En Tarento, Italia, os 459 migrantes do barco Ocean Viking da ONG SOS Mediterranée desembarcan despois de 8 días de espera. A ONG deu a noticia a través dun tweet: «As autoridades italianas finalmente asignaron a Tarento como Lugar de Seguridade para os 459 migrantes no Ocean Viking. Despois de 10 rescates, 8 días de espera, condicións médicas abafadoras, condicións de vida extremas a bordo; pronto se respectará o dereito dos sobreviventes para desembarcar». A embarcación da ONG Médicos Sen Fronteiras está nunha situación similar. Esta leva máis dunha semana esperando a autorización para poder desembarcar nun porto a 267 persoas, entre eles 62 menores, rescatados a pasada fin de semana. A ONG criticou a ausencia de respostas por parte dos países veciños. O ministerio de Interior de Italia declarou que 58.451 migrantes chegaron ás costas italianas ao longo deste ano, unha cifra moi superior ás 39.478 do ano anterior durante o mesmo período.
40