Polo menos 51 persoas morreron nun dos peores ataques rusos en chan ucraíno desde o inicio da invasión a gran escala. Un mísil caeu no pobo ucraíno de Groza, no distrito de Kupiansk da rexión nororiental de Járkov.
Segundo o Ministro do Interior de Ucraína, un mísil Iskander impactou nunha tenda de comestibles próxima a un restaurante, neste último, atopábanse os familiares e amigos dun defunto tras acudir ao seu funeral, unhas 60 persoas. Entre os falecidos hai un neno de seis anos. Só un ataque deixou tantas vítimas mortais civís anteriormente, foi no bombardeo á estación de Kramatorsk.
Groza, cunha poboación dunhas 500 persoas antes de a guerra, está preto de a liña da fronte e nunha zona regularmente atacada polos bombardeos rusos.
O ataque produciuse mentres o presidente ucraíno asistía a un cume con líderes europeos na cidade de Granada, en España. O presidente ucraíno fixo un chamamento aos aliados occidentais para que axuden a fortalecer as defensa aéreas de Ucraína e dixo que “hai que deter o terrorismo ruso”.