- Este envío encádrase no marco do operativo que Aena está a manter durante o período de alerta para facilitar a chegada deste tipo de operacións
Un novo envío con máis de tres millóns de máscaras de protección adquiridas de forma centralizada polo Ministerio de Transportes, Movilidade e Axenda Urbana (Mitma), a través de Portos do Estado, chegaron este martes a última hora da tarde por vía aérea ao Aeroporto Adolfo Suárez Madrid-Barajas.
Este envío encádrase no marco do operativo que Aena está a manter durante o período de alerta para facilitar a chegada deste tipo de operacións e súmase a outros anteriores que forneceron a Mitma en total máis de 6.000.000 millóns de máscaras.
Estas máscaras de protección serán distribuídas entre traballadores do Grupo Mitma, de Correos e de compañías de transporte, así como a comunidades autónomas, estas últimas para a súa entrega a traballadores de transporte público terrestre de competencia autonómica e local.
A adquisición destes envíos realizouse polo procedemento de emerxencia, conforme ao disposto no artigo 16 da Real Decreto-lei 7/2020, do 12 de marzo, polo que se adoptan medidas urxentes para responder o impacto económico do COVID-19, ao amparo do previsto no artigo 120 da Lei 9/2017, do 8 de novembro, de Contratos do Sector Público.