Os chalecos amarelos lanzaron este sábado un ultimato ao presidente de Francia, Emmanuel Macron, cunha nova manifestación que desde primeira hora da mañá rexistrou altercados e estaba destinada a mostrar que o movemento mantén a súa forza a pesar das promesas gobernamentais. Esta nova xornada de mobilizacións terminou con polo menos 121 detidos, unha cifra considerablemente superior á de xornadas anteriores de protesta e coincide cun incremento da violencia con barricadas, saqueos de comercios de luxo e enfrontamentos coas forzas de seguridade no centro de París. Ademais, informouse de polo menos once feridos leves , incluídos dous policías, debido a un incendio nunha sucursal bancaria da avenida Franklin D. Roosevelt parisiense. “Dúas persoas foron salvadas das chamas, unha muller e o seu bebé, que quedaran atrapados no segundo piso”, explicou o departamento de bombeiros.