O alcalde de Malpica, Eduardo Parga, emitiu un comunicado á última hora deste xoves informando de que unha vez realizadas as labores de limpeza no depósito de Pedra Queimada, e á vista dos resultados das analíticas realizadas, a auga desta infraestrutura é apta para o consumo humano. A problemática xurdiu este mércores a causa dunha posible vertedura no río Vaa. Cabe lembrar que este depósito abastece directamente aos seguintes puntos do Concello: Malpica núcleo, Beo, Camuza, Cancela de Areas, Pedreiriña, Pontella, Seaia, Sorrio, Vigo, A Vista, Os Medros e Camarada.