- Deportistas da Coruña e Lugo daranse cita o sábado e domingo no polideportivo municipal
Esta fin de semana Malpica será escenario do campionato I fase categoría rexional da Coruña e Lugo de patinaxe artística. Deportistas das dúas provincias reuniranse no pavillón municipal grazas á organización do Club Patín Velúa de Malpica e a Federación Galega de Patinaxe.
Participarán patinadores e patinadoras de varias categorías: benxamín, alevín, infantil, cadete, xuvenil e absoluta. Haberá entrega de trofeos ao remate de cada xornada.