- A competición arrincará ás 10.30 horas e pola tarde dará comezo a partir das 16.00 horas
O pavillón municipal de Malpica acollerá este sábado, 23 de abril, a primeira fase de niveis de patinaxe artística do nivel 4 ao 10 Coruña Norte. Un encontro deportivo organizado polo Club Patín Velúa coa colaboración do Concello de Malpica.
A competición arrincará coa participación dos clubs Patiart, As Pontes, Oleiros, Maxia, Conxuro, Escola Lubiáns, Inercia e Lenda. Pola tarde o horario será de 16.00 a 19.00 horas e participarán deportistas dos clubs Buxaina, Alquimia, Costa da Morte, Aura, Compañía de María, Axel e Velúa.