Trátase dun Trail que partirá ás 9 da mañá do faro de Punta Nariga, pasando pola praia de Barizo, praia de Seiruga, Cabo Santo Hadrián, praia de Beo, paseo de Area Maior e con remate na praza do Concello de Malpica.
18,2 Km de dificultade media e repletos dunhas vistas inmellorables por unha das paraxes naturais máis impresionantes da Costa da Morte.
O salón de plenos do Concello de Malpica acolleu este xoves a presentación do evento da man do seu promotor, Juan Carlos Rodriguez. No acto tamén estiveron presentes o alcalde da vila, Eduardo Parga, o 1º Teniente de Alcalde e concelleiro de Turismo, Alfredo Cañizo, o concelleiro de Obras Miguel Fernández, así como o presidente da Federación Galega de Atletismo, profesor e atleta olímpico, Isidoro Hornillos.
Máis de medio cento de persoas xa están inscritas neste Trail, que espera consolidarse no tempo como un dos eventos deportivos de referencia en Galicia. Ademais cabe destacar a presenza dunha persoa invidente que correrá coa súa parella como guía.
Tras a chegada á meta de todo/as os/as participantes, o Concello de Malpica ofrecerá a degustación dunha gran paella mariñeira no porto.
