Malpica | Comeza a prospección xeofísica da Croa do Castro de Cerqueda

• A intervención estará dirixida por Carlos Otero en colaboración co Instituto de Ciencias do Patrimonio (CSIC)

Malpica comeza este xoves a prospección xeofísica da Croa do Castro de Cerqueda, un paso máis de cara a novos descubrimentos neste espazo. Carlos Otero dirixirá a intervención en colaboración co Instituto de Ciencias do Patrimonio (CSIC).

O marcado de cuadrículas realizarase desde as 09:00 horas durante a xornada de hoxe e, mañá venres, pasarase o gradiómetro, o aparello do que se obterán as medicións para observar o que hai baixo a terra. O martes 10 e o mércores 11 acometeranse os mesmos traballos.

Con estas intervencións, o goberno local agarda “dar luz á novas achegas que axudarán a poñer en valor o noso patrimonio arqueolóxico”.