- Os galardoados foron alumnos do CEIP Milladoiro, do CEIP Joaquín Rodríguez Otero e do CRA Nosa Señora do Faro
O alcalde de Malpica, Eduardo Parga, e a concelleira de Educación, Cultura, Patrimonio e Deportes, Noelia Freijeiro, entregaron este martes los premios aos gañadores do Concurso de Debuxo e Pintura de Nadal que organizou o Concello en colaboración cos distintos centros participantes.
O premio ao debuxo que ilustra o cartel e os folletos do Nadal deste ano foi para o alumnado de cuarto de infantil do CEIP Milladoiro, que recibiu un lote de libros e a publicación da pintura gañadora nos soportes anteriormente mencionados. O premio ao Saúda de Prensa, dotado cun lote de libros e a publicación da obra premiada en varios medios de comunicación, recaeu en Raúl Martínez, estudante de 5º de Primaria do centro Joaquín Rodríguez Otero. Finalmente, o galardón Saúda Dixital foi para David Ventura, de só cinco anos, que cursa os seus estudos no CRA Nosa Señora do Faro de Barizo. David recibiu outro lote de libros e ademais o seu traballo será publicado nas redes sociais do Concello.