O Concello de Malpica organiza xunto coa Asociación para a Recuperación da Memoria Histórica – ARMH e en colaboración da Confraría de Pescadores de Malpica, un acto en homenaxe aos tres veciños do municipio que foron deportados ao campo de concentración nazi de Mauthausen, eles foron:
🔸 Antonio Suárez Blanco «Coruña».
🔸 Luís Rodríguez Villa «Luís de Rogita».
🔸 Antonio Fariña Chouciño «Antonio da Rosa».
O acto virá acompañado da presentación do libro «Aquela xente digna», escrito por Héctor Pose e financiado pola Deputación Provincial da Coruña. O programa incluirá, así mesmo, a inauguración dunha placa na súa memoria.
O evento terá lugar o venres, 21 de agosto, desde as 20.00 horas na Casa do Pescador.