37
O Concello de Malpica aprobou en pleno o suplemento de crédito con cargo o remanente de tesourería para poder financiar a primeira fase dun importante plan de obras de necesario cumprimento e que precisan de actuación inmediata no municipio. Tras a aprobación, o alcalde, Eduardo Parga, destacou o compromiso do goberno local por “seguir incrementando a contía de investimentos para satisfacer as necesidades das parroquias, atender ás demandas de toda a veciñanza, mellorar a calidade de vida e seguir impulsando o progreso de Malpica”.
As 15 intervencións a realizar e que cuxa execución non se pode demorar a vindeiros exercicios son:
- Mellora da capa de rodadura dos camiños en Alviño
- Melloras na pavimentación da rúa Ramona Criado
- Mellora da pavimentación dos camiños en Bicerrán
- Mellora da pavimentación dos camiños en Cambre
- Mellora da pavimentación dos camiños en Alviño
- Mellora da pavimentación dos camiños en Beo, Piñeiros e Bicerrán
- Melloras na travesía rúa Ventorrilo, rúa Escorial e Camiño de Sorrío
- Mellora da capa de rodadura dos camiños de Pedra Queimada, Cerqueda e Seiruga
- Mellora da capa de rodadura dos camiños de Pedreiriña
- Mellora da capa de rodadura do camiño de Pernes
- Mellora da capa de rodadura dos camiños de Pernes ata A Pedrosa
- Mellora na pavimentación do camiño de Beo a Vigo
- Acondicionamento na parroquia de San Xulián; rúa As Neves e camiño da Pedreiriña
- Mellora da pavimentación do camiño da Pedrosa a Trémoa e ampliación do saneamento no Vilar
- Mellora da capa de rodadura dos camiños en Asalo