A concellería de Servizos Sociais de Malpica pon en marcha dous talleres, un de memoria e outro de manualidades, dirixidos a persoas de máis de 55 anos.
O taller de memoria desenvolverase en Malpica os luns de 10.30 a 12.00 horas a partir do 2 de outubro na aula de Lecer do Centro Cívico. Os venres de 10.30 a 12.00 horas a partir do 6 de outubro no CAT (antigo Centro Comarcal)
Por outra banda no taller de Manualidades tamén haberá dous grupos, serán a partir do 3 de outiubro, un en Buño, na Casa do Oleiro, martes e xoves de 15.45h a 17.45h, e o outro en Malpica, na aula de lecer do Centro Cívico, martes e xoves en horario de 18.00h a 20.00 horas.
O prazo para inscribirse en ambos talleres será do 18 ao 29 de setembro.
As persoas interesadas en calquera dos dous cursos poden facer a reserva de praza chamando ao 981 720 280 ou acudindo de maneira presencial a Servizos Sociais. Para que se leven a cabo estas actividades é preciso como mínimo ter sete asistentes por grupo.