- As actividades, gratuítas, desenvolveranse durante os días 11, 12 e 13 de abril
As nenas e nenos de Malpica de entre 6 e 12 anos que desexen participar no campamento deportivo de Semana Santa, organizado polo Concello para facilitar a conciliación familiar e laboral, teñen ata o 7 de abril (incluído) para inscribirse. As prazas son limitadas.
Esta actividade desenvolverase no pavillón municipal durante os días 11, 12 e 13 de abril en horario de mañá, de 10:00 a 14:00 horas, e de forma gratuíta. Durante estas tres xornadas a rapazada participará nunha ruta de sendeirismo, busca deportiva e xogos con balón, entre outros.