44
- O incendio orixinouse ás 21.30 horas deste luns destruíndo o interior da estrutura e colapsando o tellado
Un lume arrasou este luns cun alpendre habilitado para vivenda no lugar de A Trémoa, na parroquia malpicá de Leiloio. As lapas devoraron por completo o interior da construción, provocando ademais que colapsara o tellado. Afortunadamente nese momento non había ninguén dentro.
O 112 Emerxencias recibiu o aviso do incendio sobre as 21.30 horas a través de varias chamadas dos veciños. De inmediato se puxo en marcha un operativo no que interviñeron os bombeiros de Carballo e o GES de Ponteceso. Agora as autoridades tratan de esclarecer o sucedido.