A decisión de Baltar fíxose pública nunha reunión na sede dos populares ourensáns coa presenza do presidente do PPdeG, Alfonso Rueda, e a secretaria xeral do PpdeG, Paula Prado. Baltar foi elixido presidente do PP de Ourense nun congreso o 30 de xaneiro do 2010 e hoxe abandona o cargo. Unha xestora liderará a nova etapa dos populares ourensáns tras o adeus de Baltar.
O presidente da Xunta, Alfonso Rueda, negou que exista unha «estratexia» política por parte de Xénova e da dirección autonómica detrás da renuncia para presidir o PP ourensán de Manuel Baltar, e que encadra nunha «decisión persoal» que adopta o barón en «coordinación» co partido.