33
O Día Internacional de Limpeza de Praias, para concienciar a poboación sobre a necesidade urxente de protexer os océanos, celébrase o terceiro sábado de setembro. O colectivo Mar de Fábula organizou a limpeza nos areais do Orzán, Riazor e o Matadoiro, este ano con menos voluntarios para cumprir os protocolos de prevención da covid-19. Recolleron sobre todo plástico. Calcúlase que cada ano acaban no mar uns oito millóns de toneladas deste material.