Mari Carmen Vila Blanco foi elixida de novo, e por terceira vez, como candidata socialista á alcaldía de Carballo, nas eleccións municipais que se celebrarán dentro de cinco meses. Así o determinou a asemblea local do Partido Socialista, que deu carta libre a Vila Blanco para confeccionar o seu equipo de compañeiros e compañeiras que a acompañarán na lista necesaria para concorrer ás próximas eleccións municipais. A candidata é avogada, secretaria xeral do partido a nivel local e portavoz socialista na corporación municipal.