Inditex deixa paso á nova xeración. Marta Ortega toma as rendas do imperio da moda este 1 de abril, con tan só 38 anos. Pásalle a testemuña Pablo Isla, quen asegura que a filla pequena de Amancio Ortega «leva 15 anos traballando na empresa» e «coñécea como a palma da súa man».
O desafío é enorme: a empresa española conta con 6.500 tendas e 174.000 empregados. O grupo componse de oito marcas (Zara, Pull& Bear, Massimo Dutti, Bershka, Stradivarius, Oysho, Zara Home e Uterqüe), con Zara como o seu buque insignia.
Nunha tenda de Zara de Londres é onde Marta deu os seus primeiros pasos na compañía, tras licenciarse en Comercio Internacional na European Business School da capital británica, en 2007.
Amante da equitación, de Marta Ortega dise que é discreta e humilde a pesar de ser a herdeira do home máis rico de España.