Este xoves, 1 de xuño, abreu o prazo de inscrición do programa “Conciliamos no verán”, dirixido a familias con nenas e nenos de infantil ou primaria do concello. Este programa sustitúe así os campamentos de verán, procurando poder ofertar un servizo máis completo para as familias que precisen conciliar a vida laboral e familiar nesta época non lectiva. Por iso, o programa realizarase entre o 23 de xuño e o 8 de setembro. En Mazaricos, este programa terá lugar simultaneamente en 3 locais públicos: o local social de Eirón, o antigo CEIP Pino de Val e o CEIP Víctor Sáenz. O horario será de 9h a 10h os Madrugadores, de 10h a 14h as Actividades e de 14h a 16h as Tardes Divertidas. Para inscribirse, as familias deberán acudir o departamento de Servizos Sociais ata o 9 de xuño.
0