0
ADEGA procura fondos para poder recorrer no Tribunal Superior de Xustiza de Galicia a autorización do Parque Eólico Alvite II, en Mazaricos, Negreira e Santa Comba, que terá un impacto directo sobre o Camiño de Santiago e sobre os mananciais que abastecen a veciñanza. ADEGA pide a colaboración cidadá para a recadación de fondos que permitan facerlle fronte aos gastos derivados dos trámites administrativos, tal e como acontecía co recentemente paralizado parque do Campelo. As doazóns que se realicen poden desgravar en Facenda ata un 80%.