O Concello de Mazaricos celebra esta venres, 21 de abril, unha nova edición, a segunda, das Xornadas de Turismo de Mazaricos. Un encontro entre institucións e profesionais do sector cunha mesa redonda onde se analizarán as potencialidades e fortalezas de Mazaricos e da Costa da Morte.
Trás o éxito acadado o pasado ano na primeira xornada, onde arredor de medio centenar de persoas participaron na Xornada de Turismo de Mazaricos e na mesa redonda titulada “Mazaricos, pasado e futuro entre a costa e ou interior”; este ano volven na segunda edición.
«Este venres celebramos unha nova edición da Xornada de Turismo de Mazaricos. Axentes institucionais e empresariais de distintos puntos de Galicia comparten experiencias e ideas para pór en valor as potencialidades turísticas de Mazaricos e de toda a Costa da Morte. Aberta a todas as persoas interesadas!» así o comunicaba o concello nas súas redes sociais.
PROGRAMA
O seguinte cronograma comprende as actividades que se desenvolverán.
- 16.30h: Recibimento en Casa Jurjo (Avenida 13 de abril, 91, A Picota, MAZARICOS).
- 17h: Mesa Redonda “Mazaricos e Costa da Morte: Fortalezas e Oportunidades”.
- 18.30h: Remate e degustación de produtos típicos mazaricáns.