A delegada territorial en Ferrol, Martina Aneiros, avanzou que a Consellería de Promoción do Emprego e Igualdade está a comunicar aos Concellos beneficiarios a resolución da convocatoria de axudas para que poidan tramitar a contratación destes profesionais. Entre os concellos beneficiarios atópanse Ares, Cabanas, Cariño, Cedeira, Ferrol, Mañón, Monfero, Pontedeume e Valdoviño. A contía que percibirán as entidades beneficiarias irá destinada a sufragar os custos salariais totais, incluída a cotización empresarial á Seguridade Social por todos os conceptos na mesma cantidade que a fixada para o salario, segundo o convenio colectivo vixente no momento de formular a solicitude, cos importes máximos recollidos na convocatoria de axudas. Os traballadores e traballadoras a contratar deberán ser persoas desempregadas inscritas no Servizo Público de Emprego de Galicia.
23