A conselleira do Medio Rural, María José Gómez, reuniuse este luns co xerente da Fundación Eduardo Pondal, Jose María Varela, e co alcalde de Ponteceso, José Manuel Mato, con quen avaliou posibles vías de colaboración para fomentar o desenvolvemento rural da aldea do Couto, situada nesta localidade, e dinamizada por esta asociación a través de proxectos de voluntariado veciñal.
Así, estudaron diversas iniciativas de índole social e cultural, co fin de impulsar as tarefas que está a levar a cabo a Fundación para contribuír ao futuro sostible e participativo da aldea. Neste sentido, a conselleira amosou a súa vontade de traballar de xeito conxunto para conseguir estes obxectivos.