«Menor participación e peor resultado para a esquerda», se se repiten as eleccións

Quen perdeu máis con esta investidura errada, Unidas Podemos ou o PSOE?

Responde a politóloga Cristina Monge, para quen perdeu o conxunto do bloque da esquerda.

«Perder perderon ambos. O que pasa é que, nestes momentos, é Unidas Podemos e, en concreto, Pablo Iglesias é o que está nunha maior situación de vulnerabilidade, porque a maneira na que levou a xestión destas negociacións xeroulle fracturas importantes».