O canadense Michael Woods demostrou ser o máis forte nas auténticas paredes que afrontou o pelotón no quilómetro e medio final da segunda etapa de ‘O Gran Camiño’, tomando ademais o liderado da proba. Movistar afrontou na cabeza a chegada final, endurecendo a subida por medio de Gonzalo Serrano e Iván Ramiro Eslamiada. Con todo, Alejandro Valverde non puido seguir o ronsel do ciclista do Israel Start-Up Nation e acabou segundo. O canadense gañou uns metros mentres todos os seus rivais se retorcían nas ramplas máis duras, xa dentro do quilómetro final. Valverde colocouse a roda de Eslamiada, pero o oco aberto por Woods sería insalvable. O murciano finalizou segundo, por diante de Rubén Fernández, quen cedeu máis de medio minuto. Tras el entraron ben emprazados outros españois como Delio Fernández ou Roger Adrià. O sábado chegará o gran día de montaña con tres portos encadeados na parte final: Nogueira, Seragude e Moura.
