Entre 33.000 e 35.000 persoas, segundo a Policía Municipal, manifestáronse este sábado en Bilbao a favor da independencia de Euskal Herria, convocadas por EH- Bildu baixo o lema Lortu arte (Ata que o consigas). A manifestación finalizou fronte ao Concello, onde interveu o coordinador de EH- Bildu, Arnaldo Otegi, quen esixiu «respecto á nación vasca e ao dereito á libre determinación», e apostou por articular en Euskadi un «bloque histórico que lidere o país» para construír «unha nación feminista, socialista, independente e soberana, ecoloxista e igualitaria». Os manifestantes, que gritaron «independencia» durante todo o percorrido e exhibiron numerosas ikurriñas e bandeiras independentistas, marcharon tras unha pancarta co lema Lortu arte e a frase «Euskal Herria de libres e iguais».
37