O incendio segue avanzando e ata 7.000 persoas víronse confinadas ou obrigadas a deixar as súas pertenzas atrás e saír das súas casas a causa do lume e o fume. En total, dez municipios víronse afectados polo incendio –Arafo, Candelaria, La Orotava, El Rosario, Santa Úrsula, El Sauzal, Tacaronte, La Victoria, Izaña e Güimar–, en cuxo dispositivo de extinción participan 17 medios aéreos e máis de 370 efectivos. A estratexia adoptada é, entre outras cousas, defensiva para tentar que as chamas non alcancen as casas. Tanto os concellos como a Cruz Vermella Española habilitaron albergues, onde se ofrece asistencia psicolóxica e social ante unha situación frustrante e dolorosa para os desaloxados. Algúns destes espazos son o pavillón do Chorrillo, no Rosario; o pavillón Quiquirá, o polideportivo da Perdoma e o pavillón dos Salesianos, en La Orotava.
0