Convocadas por CCOO, UGT e CIG, con actos centrais en Vigo e o foco posto na necesidade de subir salarios e de chegar a un pacto de negociación colectiva, miles de persoas deixáronse sentir nas rúas con motivo deste Primeiro de Maio.
O secretario xeral da CIG, Paulo Carril, constatou que a situación da clase traballadora é “crítica” pola perda de poder adquisitivo, sen que nin Goberno central nin Xunta adopten medidas. Por iso, fixo un chamamento á “mobilización” e a que este Primeiro de Maio sexa o punto de partida dunha loita que debe “ir a máis”.
Os sindicatos esíxenlle ás empresas repartir beneficios e subir salarios. Dánse de prazo ata finais de maio para chegar a un acordo coa patronal, tal como manifestou o secretario xeral de UXT Galicia, José Antonio Gómez.
Pola súa banda, a secretaria xeral de CC.OO. Galicia, Amelia Pérez, puxo de relevo “o traballo das organizacións sindicais” para conseguir melloras que redundan na vida da xente, aínda que matizou que “aínda queda traballo pendente”. “De aí a lema deste ano: subir salarios, baixar prezos e repartir beneficios”.