José Manuel Miñones, recibiu, de mans a exministra Carolina Darias, a carteira ministerial como titular de Sanidade do Goberno de España, nun acto que se celebrou este martes no Salón de Actos Ernest Lluch do propio Ministerio. O xa ministro, mostrou o seu recoñecemento, apoio e respaldo á sanidade pública española, como “un dos maiores logros que conseguimos como país e que nos fai grandes como nación”. Reafirmou o compromiso do Goberno de España cun modelo sanitario público, universal, de calidade, equitativo, eficaz e sostible e que, ao mesmo tempo, sexa sensible ás necesidades da cidadanía.
Así, trasladou a todo o sector da sanidade, ás asociacións, profesionais do sector, sindicatos, pacientes, colexios e industria en xeral, o seu convencemento de que non existe o gasto en sanidade, senón o investimento en saúde. Nesta mesma liña comprometeuse a seguir, desde a súa nova responsabilidade como ministro, o xuramento e os principios que, como profesional do sector da saúde, sempre lle guiaron para aplicar todos os seus coñecementos e habilidades a favorecer a saúde e o benestar das persoas.