27
- Minutos antes das sete da tarde deste luns declarouse un incendio no monte próximo ao Porto de Razo e ao lugar de Santa Mariña. As autoridades investigan a posible intencionalidade do lume, dado que se iniciou en tres focos diferentes e foi avanzando a ritmo alto debido a dous factores condicionantes, o vento reinante do noroeste e as altas temperaturas alcanzadas este luns. A última hora seguían os labores de extinción con varias brigadas terrestres e tres helicópteros de extinción que se turnaron escaladamente para realizar a carga de auga na Ría de Baldaio.