- O Concello da Baña ten uns 3.400 habitantes e pertence á comarca da Barcala.
O Partido Popular fíxose este martes coa alcaldía do Concello da Baña. O apoio dos dous concelleiros de Compromiso por Galicia así llo permitiu ao PP. Andrés García Cardeso, que xa fora rexedor da localidade entre 1995 e 2019, será de novo alcalde, ao substituír ao socialista José Antonio Pereira. A moción, rexistrada a finais de novembro polo PP e Compromiso por Galicia, frutificou coa suma de seis dos once edís da corporación da comarca da Barcala.
Resposta socialista
O portavoz parlamentario do PSdeG, Gonzalo Caballero, acudiu A Baña, xunto aos deputados Noa Díaz e Martín Seco e outros representantes do partido, para trasladar o seu apoio ao alcalde socialista, José Antonio Pereira, e a todo o seu equipo de goberno ante a moción de censura na súa contra. “Hoxe somos moitos os que apoiamos a un gran alcalde”, reivindicou Gonzalo Caballero, despois de sinalar que “seguro que nas próximas eleccións municipais os veciños e veciñas non perdoarán esta moción de censura”. “O tempo poñerá a todos e cada un no seu lugar”, concluíu.