A compañía farmacéutica Moderna anunciou que vai solicitar autorización para comercializar a súa vacina contra o coronavirus tanto á Administración de Alimentos e Medicamentos de Estados Unidos (FDA) como á Axencia Europea do Medicamento. Os reguladores analizarán os datos de proba da vacina de ARNm e decidirán se é o suficientemente segura e efectiva como para recomendar a súa implementación.
Segundo a compañía, a análise de eficacia do estudo de fase 3 da vacina incluíu a 30.000 participantes cunha eficacia do 94,1%, cunha tolerancia xeralmente boa e sen que se identificaron problemas de seguridade graves ata a data. A compañía afirma tamén que a eficacia da vacina contra os casos máis graves de Covid-19 é do 100%. As primeiras inxeccións poden administrarse a partir do 21 de decembro se o proceso se desenvolve sen problemas e se outorga a aprobación, dixo Stéphane Bancel, director executivo de Moderna, nunha entrevista con «The New York Times».