57
A entidade Costa da Morte Asociación Turística (CMAT) celebrou unha asamblea na que entre outros puntos da orde do día tivo lugar a elección da nova Xunta Directiva, logo dos dous anos do mandato do anterior presidente, o alcalde de Muxía, Iago Toba. A nova Xunta Directiva, elixida por unanimidade, está composta polos representantes dos concellos de Vimianzo (Presidencia), Camariñas (Vicepresindencia), Cabana de Bergantiños (Tesourería), APTCM (Secretaría e primeiro vogal), Fisterra (segundo vogal) e Carballo (terceiro vogal). Deste xeito, a alcaldesa de Vimianzo, Mónica Rodríguez, liderará o equipo directivo nos próximos dous anos, asumindo a Presidencia do ente xestor do turismo da Costa da Morte.