Unha muller de 73 anos perdeu a vida no concello ourensán de Punxín, tras quedar atrapada nunha arqueta de regadío, supostamente de xeito accidental. Sucedeu no lugar de Quintela do Viñao. Os servizos sanitarios desprazados ao lugar só puideron certificar o seu falecemento. A vítima é a muller do alcalde da localidade. Á espera de confirmación oficial, todo parece indicar que morreu afogada.