O expresidente da Comisión Europea, pai da Unión Europea e figura da esquerda francesa, Jacques Delors, morreu este mércores aos 98 anos, anunciouno a súa filla, a exministra socialista Martine Aubry, actual alcaldesa de Lille.
«Morreu este mércores na súa casa parisiense mentres durmía», dixo Aubry. Entre os logros de Delors figuran o lanzamento da Unión Económica e Monetaria que deu lugar ao euro, o diálogo social europeo, as ampliacións do bloque e o programa Erasmus do que se beneficiaron millóns de estudantes.
Delors formaba parte do á conservadora do socialismo francés e reivindicou tanto a súa experiencia sindical de mocidade como as súas conviccións relixiosas católicas. A parte máis destacada da súa vida pública discorreu á fronte do executivo comunitario ata 1994. Un dos seus grandes logros foi a creación en 1987 do programa Erasmus, do que se beneficiaron millóns de estudantes.