Donald Rumsfeld, que foi secretario de Defensa de EE.UU. en dúas ocasións e tivo un papel crave na invasión de Iraq en 2003, faleceu aos 88 anos, informou este mércores a súa familia nun comunicado. Xunto ao exvicepresidente Dick Cheney, Rumsfeld formou o núcleo duro de «falcóns» que impulsaron a guerra de Iraq hai case dúas décadas, durante a Administración de George W. Bush (2001-2009). A nota non especifica a causa do deceso de Rumsfeld, quen faleceu «rodeado da súa familia no seu querido Taos» (Novo México), onde vivía. Rumsfeld dirixiu o Pentágono entre 1975 e 1977, co republicano Gerald Ford como presidente, e de novo entre 2001 e 2006, cando Bush estaba no poder. Nese segundo período, Rumsfeld supervisou a invasión de Afganistán en 2001, que deu comezo á guerra máis longa da historia de Estados Unidos, e despois a de Iraq en 2003.