O actor británico Peter Mayhew, que interpretou a Chewbacca na saga de «Star Wars», morreu aos 74 anos, segundo informou a súa familia no perfil oficial de Twitter do artista.
Aínda que se deu a coñecer hoxe a súa morte, Mayhew faleceu o martes 30 de abril na súa casa en Texas.
O actor namorou aos fans de «Star Wars» pola súa interpretación do peludo e entrañable Chewbacca, o compañeiro inseparable de aventuras de Han Solo (Harrison Ford) e o copiloto do Millennium Falcon.
Os familiares do falecido destacaron que Mayhew traballou sen descanso para superar os seus problemas de movilidade e poder meterse de novo na pel de Chewbacca no Episodio VII.
Mayhew percorreu durante mmoitísimos anos as conferencias de fans e encontros de seguidores en todo o mundo ata converterse nun dos artistas máis queridos da saga de «Star Wars».