- O incidente tivo lugar na rúa Fernando III O Santo preto das seis da tarde
Un home faleceu este xoves en Santiago de Compostela despois de caer ao interior dun patio de luces dun edificio situado na rúa de Fernando III O Santo. O incidente produciuse preto das seis da tarde e foron os profesionais do 061 quen avisaron ao 112 Galicia.
Unha vez no lugar, os efectivos do Servizo de Prevención, Extinción de Incendios e Salvamento de Santiago de Compostela abriron paso a través dunha fiestra para poder acceder ao lugar no que se atopaba a vítima pero, a pesar dos esforzos dos servizos sanitarios, nada se puido facer por salvarlle a vida. Agora, as forzas de seguridade tratan de esclarecer as circunstancias do falecemento.
No operativo tamén participaron axentes da Policía Nacional e Local e membros de Protección Civil.