51
Un home faleceu na tarde deste mércores ao caer coa moto en Petín. O sinistro ocorreu sobre as tres da tarde no quilómetro 3,5 da estrada OU-134 que une as localidades da Portela e Portomourisco. Foi un particular o que alertou os servizos de emerxencia. O 112 enviou á zona un equipo de urxencias sanitarias e da Garda Civil de Tráfico. No sinistro non houbo máis vehículos implicados.