Morre un motorista de Cee tras saírse da vía en Muros

• A vítima, de 31 anos, foi evacuada en helicóptero ao CHUS, onde finalmente faleceu.

Un home faleceu tras saírse da vía coa súa moto cando circulaba pola AC-400 ao seu paso pola parroquia de Serres, no concello coruñés de Muros. O suceso produciuse arredor das 16:30 horas deste sábado.

Segundo fontes do 112 Galicia, o motorista saíuse da vía e chocou contra unha das barreiras de seguridade da estrada. Debido a gravidade das lesións, a vítima tivo que ser trasladada en helicóptero ata o CHUS, onde finalmente faleceu.

No operativo, ademais dos servizos de emerxencias, tamén participaron membros do GES de Muros e axentes da Garda Civil de Tráfico.