Catro mulleres de 26, 16, 15 e 13 anos de idade morreron este domingo nun choque frontolateral do seu coche contra outro en Collado Villaba, Madrid, segundo informou o SUMMA 112. No segundo vehículo implicado, a condutora, outra muller de 30 anos, foi trasladada grave ao Hospital Porta de Hierro con múltiples fracturas, contusión pulmonar e trauma lumbar. Segundo informou Emerxencias Comunidad de Madrid 112, o accidente produciuse ás 5.50 horas no quilómetro 38 da M-608, no municipio de Collado Villalba cando, por causas que investiga a Garda civil, dous vehículos chocaron de forma frontolateral.
As catro mozas vivían en Morazarzal (Madrid) e regresaban das festas de Collado Villalba, segundo asegurou Juan Carlos Rodríguez Osuna, alcalde do municipio das vítimas. A condutora de 26 anos saíuse da calzada pola marxe dereita, informaron fontes da investigación do accidente. Segundo as primeiras evidencias, tras perder o control do coche, a condutora realizou unhas manobras bruscas e terminou por invadir o sentido contrario e impactar co outro vehículo.