Dous homes, irmáns, de 48 e 54 anos, morreron ao respirar o fume que produciu un incendio na vivenda familiar que compartían no lugar de Vilar, parroquia lucense de Santiago de Meilán. Cando axentes da Policía Nacional chegaron á vivenda e entraron, comprobaron que estaba chea de fume, aínda que as chamas xa se extinguiran, sen afectar nin á estrutura da casa nin aos corpos dos falecidos. Os primeiros indicios apuntan a que o lume puido producirse como consecuencia dun fallo na instalación eléctrica, que estaba en moi mal estado. Os dous irmáns xa faleceran cando os bombeiros disiparon o fume; o 061 só puido confirmar as súas mortes. A faísca que provocou o lume puido orixinarse nun enchufe en mal estado, no que os irmáns estaban a cargar un teléfono móbil.
0