47
Trátase dun estadounidense de 55 anos e un suízo de 41, ambos son as primeiras vítimas da tempada deste ano, segundo anunciaron os organizadores da expedición en Nepal este xoves. O alpinista estadounidense chegou ata o paso de Hilary pero foi vítima da cegueira das neves e de esgotamento e necesitou axuda para descender, precisaron os organizadores. Chegou ao campo 4 onde faleceu pouco despois. Os corpos están localizados a unha altura de 8.000 metros, pero o mal tempo impide polo de agora baixalos ata a cidade e repatrialos aos seus países de orixe. Esta montaña xa se cobrou a vida de máis de 300 persoas. O ministerio nepalí de Turismo decretou novas regras para limitar o número de alpinistas que tratan de alcanzar o «teito do mundo».