Morren dúas persoas nun accidente de avioneta en Toledo


Unha avioneta caeu sen control desde unha altura de 150 metros. Sucedeu ao redor do mediodía deste domingo no aeródromo de La Iglesuela, en Toledo, a penas uns minutos despois de engalar con dúas persoas a bordo. Ata o lugar desprazouse un helicóptero medicalizado, un facultativo de urxencias e unha ambulancia pero non puideron facer nada máis que certificar o falecemento dos ocupantes da avioneta. Son o instrutor, de 59 anos, e o alumno, de 18. Os dous corpos quedaron atrapados e os bombeiros tiveron que liberalos. Agora investigan as causas do accidente. Ao parecer, minutos despois de saír soltouse un cable e o aparello caeu en picado. Este sinistro produciuse un mes despois de que dúas persoas, un home de 65 anos e a súa sobriña de 23, tamén morresen ao esnafrarse outra avioneta.