A traxedia, unha das máis graves ocorridas este ano no chamado roteiro migratorio do Mediterráneo Central, produciuse fronte á cidade de Zawara, segundo o relato de 15 sobreviventes que foron rescatados por un barco pesqueiro e devoltos a esa localidade, próxima á fronteira con Libia. A embarcación afundida foi unha das tres que se ten noticia que saíron das praias que se estenden entre Zawara e Zawiya, base das distintas mafias libias que, conectadas con outras da rexión, se lucran co contrabando de armas, combustible e persoas. Segundo datos da Organización Internacional das Migracións (OIM), máis de 29.400 persoas migrantes foron interceptadas no Mediterráneo e retornadas a Libia ao longo deste ano, o triplo que durante o mesmo período de 2020. Ademais, 555 perderon a vida e 736 desapareceron en diversos naufraxios, fronte aos 381 mortos e 597 desaparecidos durante o ano anterior.
37