Moscova admite 498 baixas, 1.597 feridos e non descarta unha Terceira Guerra Mundial

Rusia recoñeceu a morte de 498 soldados e máis de 1.500 feridos, ademais advertiu de que calquera intento de Occidente de deter pola forza a invasión de Ucraína conduciría a unha Terceira Guerra Mundial que sería nuclear e destrutiva. Así o explicou o ministro de Exteriores ruso, Sergei Lavrov. Segundo Lavrov, o presidente estadounidense, Joe Biden, sabe que a única alternativa ás sancións é unha Terceira Guerra Mundial que sería «unha guerra nuclear devastadora». «Ten experiencia e sabe que non hai alternativa ás sancións, senón a guerra mundial», declarou Lavrov á cadea de televisión catarí Al Jazeera. Esta é a segunda vez que Rusia menciona a posibilidade dun enfrontamento nuclear.